మంగళూరు యూనివర్సిటీలో పీస్ సెమినార్
అహ్మదీయ్య ముస్లిం కమ్యూనిటీ ఆధ్వర్యంలో మంగళూరు యూనివర్సిటీలో శాంతి సెమినార్ శనివారం ఘనంగా నిర్వహించారు.కార్యక్రమం ప్రారంభోత్సవంలో రాజకీయ శాస్త్ర విభాగం మాజీ ప్రొఫెసర్ డాక్టర్ దయానంద నాయక్ మాట్లాడుతూ…ప్రపంచవ్యాప్తంగా అన్యాయం,సంఘర్షణలు పెరుగుతున్న నేపథ్యంలో వ్యక్తిగత శాంతి నుండి ప్రపంచ శాంతి వరకు సమగ్ర శాంతి అవసరం మరింత పెరిగిందని పేర్కొన్నారు.యూనివర్సిటీ కాలేజ్ మంగళూరు ప్రిన్సిపాల్ డాక్టర్ గణపతి గౌడ మాట్లాడుతూ..విద్యాసంస్థలు భయరహిత వాతావరణంగా ఉండాలని,విద్యార్థుల్లో శాంతి-సహన భావాలను పెంపొందించడంలో ఇలాంటి సెమినార్లు ఎంతో ఉపయోగపడతాయని అన్నారు.అనంతరం అహ్మదీయ్య ముస్లిం కమ్యూనిటీ చేపడుతున్న ప్రపంచవ్యాప్త మానవతా సేవలపై డాక్యుమెంటరీ ప్రదర్శించబడింది.అహ్మదీయ్య ముస్లిం కమ్యూనిటీ ఇండియా మాజీ చీఫ్ ఎగ్జిక్యూటివ్ డైరెక్టర్ షిరాజ్ అహ్మద్ కమ్యూనిటీ 136 ఏళ్లలో 220 కంటే ఎక్కువ దేశాల్లో సేవా కార్యక్రమాలు విస్తరించిందని తెలిపారు.సృష్టిపై ప్రేమ–సానుభూతి,విద్యకు ఉన్న ప్రాధాన్యత వంటి ఇస్లామీయ బోధనలను వివరించారు.అభివృద్ధి చెందుతున్న దేశాల్లో అమ్మాయిల్లో 99% అక్షరాస్యత సాధించడం
కమ్యూనిటీ ప్రధాన ధ్యేయమని చెప్పారు.సెంట్ అలోయ్సియస్ డీమ్డ్ యూనివర్శిటీ రిజిస్ట్రార్ డాక్టర్ రోనాల్డ్ నజరెత్ శాంతి అనేది హృదయభాష అని,దయ-మానవత్వం విద్యకు అంతర్భాగాలని చెప్పారు.విద్య అంటే డిగ్రీ కలిగించడం మాత్రమే కాదు,మనసు-హృదయం మార్పుకు దారి తీసే ప్రక్రియ అని ఆయన పేర్కొన్నారు.రొష్ని నిలయ స్కూల్ ఆఫ్ సోషల్ వర్క్ డీన్ డాక్టర్ మీనా జూలియట్ మాంటీరో క్లాస్‌రూమ్‌లో శాంతి వాతావరణం ఏర్పడాలంటే సహానుభూతి,ప్రేమ,క్షమ వంటి విలువలపై దృష్టి పెట్టాలని సూచించారు.పిల్లల సమస్యలను వ్యక్తుల సమస్యలుగా కాకుండా భావోద్వేగాల దృష్టికోణంలో చూడాలని పేర్కొన్నారు.కొడగు విశ్వవిద్యాలయ అధ్యాపకుడు సుదర్శన్ కుమార్ ప్రపంచవ్యాప్తంగా పాలస్తీనా,ఉక్రెయిన్,గల్ఫ్,ఆఫ్రికా ప్రాంతాల్లో జరుగుతున్న యుద్ధాల ప్రభావం విద్యపై ఎంత తీవ్రమైనదో వివరించారు.ఎన్ఎస్ఎస్,ఎన్ సి సి రెడ్ క్రాస్ విద్యార్థులు శాంతి రాయబారులవ్వాలని పిలుపునిచ్చారు.డాక్టర్ ఎం.వి.శెట్టి కాలేజీ లెక్చరర్ ప్రజ్ఞ కృష్ణన్ మణిపూర్ అల్లర్లకు కారణమైన తప్పుడు సమాచారాన్ని ఉదాహరణగా చూపుతూ,నిర్ధారణ లేని వార్తలను పంచరాదని విద్యార్థులకు సూచించారు.విద్య పరస్పర అవగాహనను పెంపొందిస్తుందని,యువత శాంతి నిర్మాణంలో కీలక పాత్ర పోషిస్తుందని తెలిపారు.సెమినార్‌లో ప్రశ్న-సమాధానాల కార్యక్రమం కూడా నిర్వహించారు.వక్తలు విద్యతో పాటు నైతిక-ఆధ్యాత్మిక విలువలు కలిసినప్పుడే సమగ్ర శాంతి సాధ్యమని అభిప్రాయపడ్డారు.ప్రపంచ యుద్ధం అనంతరం జపాన్‌లో వచ్చిన మార్పులు ఇందుకు ఉదాహరణగా ప్రస్తావించారు.కార్యక్రమానికి హాజరైన అతిథులను అహ్మదీయ్య ముస్లిం కమ్యూనిటీ సన్మానించి పుస్తకాలు,మెమెంటోలు అందజేసింది.జాతీయ గీతంతో కార్యక్రమం ముగిసింది.ఈ కార్యక్రమం ప్రజాసంబంధాల ప్రతినిధి కర్ణాటక సి జి సోహెల్,మరియు మంగళూరు అహిమదియా ముస్లిం కమ్యూనిటీ ప్రెసిడెంట్ ఆధ్వర్యంలో జరిగింది.
About the Author
