తుమ్మడం గ్రామంలో మురికినీటి కష్టాలు – పంచాయతీ సెక్రటరీ నిర్లక్ష్యం

నల్గొండ జిల్లా నిడమానూరు మండలంలోని తుమ్మడం గ్రామం 9వ వార్డులో మురికినీటి సమస్య రోజురోజుకు ముదురుతోంది. మురుక్కాలవ పూర్తిగా నిండిపోయి, మురికినీరు రోడ్డుపైకి వచ్చి ప్రవహిస్తోంది. ప్రజలు నిత్యజీవనంలో తీవ్ర అసౌకర్యాన్ని ఎదుర్కొంటున్నారు.ఇప్పటికే ఈ పరిస్థితి నెలలాగే కొనసాగుతున్నప్పటికీ, తుమ్మడం పంచాయతీ సెక్రటరీ లింగయ్య ఇప్పటివరకు ఎటువంటి చర్యలు తీసుకోలేదని స్థానికులు ఆగ్రహం వ్యక్తం చేస్తున్నారు. కనీసం ఇప్పుడు అయినా స్పందించి మురుక్కాలవను శుభ్రపరచి, మరమ్మత్తులు చేపట్టాలని గ్రామస్తులు డిమాండ్ చేస్తున్నారు.ప్రభుత్వాధికారులు ఈ విషయాన్ని గమనించి వెంటనే స్పందించకపోతే, తుమ్మడం పంచాయతీ సెక్రటరీని సస్పెండ్ చేయాలని ప్రజలు కలెక్టర్‌ను కోరుతున్నారు.