పోలీస్ స్టేషన్ను ఆకస్మికంగా తనిఖీ చేసిన జిల్లా ఎస్పీ
జిల్లాలో పోలీస్ వ్యవస్థ పనితీరు మరింత మెరుగుపరచడంతో పాటు ప్రజలకు అందుతున్న సేవల నాణ్యతపై ప్రత్యక్ష అవగాహన పొందే ఉద్దేశంతో జయశంకర్ భూపాలపల్లి జిల్లా ఎస్పీ సిరిశెట్టి సంకీర్త్ ఐపీఎస్ గోరి కొత్తపల్లి పోలీస్ స్టేషన్ను ఆకస్మికంగా తనిఖీ చేశారు.ఈ తనిఖీ సందర్భంగా జిల్లా ఎస్పీ పోలీస్ స్టేషన్ ప్రాంగణం, పరిసరాల పరిశుభ్రత, వసతుల స్థితిగతులు, రికార్డుల నిర్వహణ విధానం, కేసుల నమోదు ప్రక్రియ, డైరీలు, ఫిర్యాదుల రిజిస్టర్, సిబ్బంది హాజరు, విధి నిర్వహణ తీరును సమగ్రంగా పరిశీలించారు. రికార్డులు క్రమబద్ధంగా, నిబంధనల ప్రకారం నిర్వహించాలని అధికారులకు సూచించారు.పోలీస్ స్టేషన్కు వచ్చే ఫిర్యాదిదారులను గౌరవంగా, స్నేహపూర్వకంగా పలకరిస్తూ వారి సమస్యలను శ్రద్ధగా విని వెంటనే స్పందించాలన్నారు. ప్రజలకు త్వరిత న్యాయం అందేలా ప్రతి కేసును గంభీరంగా పరిగణనలోకి తీసుకోవాలని, ఫిర్యాదులపై నిర్లక్ష్యం ఉండకూడదని స్పష్టం చేశారు.శాంతి–భద్రతల పరిరక్షణలో పోలీస్ శాఖ కీలక పాత్ర పోషిస్తుందని పేర్కొన్న జిల్లా ఎస్పీ, ప్రజల విశ్వాసాన్ని పెంపొందించడమే పోలీస్ శాఖ ప్రధాన బాధ్యత అని అన్నారు.చట్టం ముందు అందరూ సమానమే అన్న భావనతో పారదర్శకంగా విధులు నిర్వహించాలని, ప్రజలతో సమన్వయం పెంచుకుంటూ పనిచేయాలని సిబ్బందికి సూచించారు.అదేవిధంగా గ్రామ స్థాయిలో శాంతిభద్రతలకు విఘాతం కలిగించే అంశాలపై ముందస్తు జాగ్రత్తలు తీసుకోవాలని, అసాంఘిక కార్యకలాపాలను నియంత్రించేందుకు నిరంతర నిఘా కొనసాగించాలని ఆదేశించారు. పోలీస్ స్టేషన్ పరిధిలో శాంతియుత వాతావరణం నెలకొల్పడంలో ప్రతి ఒక్కరూ బాధ్యతగా పనిచేయాలన్నారు.ఈ ఆకస్మిక తనిఖీతో పోలీస్ సిబ్బందిలో మరింత బాధ్యతా భావం పెరుగుతుందని, ప్రజలకు మెరుగైన పోలీస్ సేవలు అందించడంలో ఇది దోహదపడుతుందని జిల్లా ఎస్పీ అభిప్రాయపడ్డారు.
ఈ కార్యక్రమంలో ఎస్పీ వెంట భూపాలపల్లి డిఎస్పి సంపత్ రావు ఘనపురం సర్కిల్ ఇన్స్పెక్టర్ కరుణాకర్ రావు రేగొండ పోలీస్ స్టేషన్ ఎస్ఐ రాజేష్ కొత్తపల్లి గోరి ఎస్ఐ దివ్య పలువురు పోలీస్ సిబ్బంది పాల్గొన్నారు.
About the Author
