అంకితభావంతోనే జమాత్ పురోగతి
రాయపర్తి మండలంలోని కొండూరు గ్రామంలో అహ్మదీయ ముస్లిం జమాత్ ఆధ్వర్యంలో నిర్వహించిన జిల్లా, స్థానిక పదవీదారుల శిక్షణా శిబిరం విజయవంతంగా జరిగింది.జిల్లాలోని వివిధ గ్రామాల నుండి జమాత్ అధ్యక్షులు (సదర్లు), కార్యదర్శులు (సెక్రటరీలు), క్రియాశీలక సభ్యులు పెద్ద సంఖ్యలో పాల్గొన్నారు.ఈ సందర్భంగా జిల్లా అమీర్ జనాబ్ ముహమ్మద్ యాకూబ్ పాషా మాట్లాడుతూ, జమాత్ పురోగతికి అంకితభావం అత్యంత కీలకమని తెలిపారు.గ్రామ స్థాయిలో పదవీదారులు తమ సేవా కార్యక్రమాల ద్వారా సభ్యులకు ఆదర్శంగా నిలవాలని సూచించారు.“చిన్న సేవ అయినా దైవ సన్నిధిలో గొప్ప ఫలితాన్ని ఇస్తుంది” అని ఆయన పేర్కొన్నారు.ఈ శిక్షణలో భాగంగా జిల్లా నాయకులు ఆసిఫ్ ఖాదిం, లతీఫ్ షరీఫ్, ముహమ్మద్ సలీం వివిధ అంశాలపై మార్గనిర్దేశం చేశారు.గ్రామ స్థాయిలో తర్బియత్ (శిక్షణ), తబ్లీగ్ (ప్రచారం) కార్యక్రమాల విస్తరణ, చందాల సేకరణలో పారదర్శకత, రికార్డుల నిర్వహణ, సభ్యుల సంక్షేమం, విద్యాపరమైన అంశాలపై ప్రత్యేక తరగతులు నిర్వహించారు.ఈ శిబిరానికి రాయపర్తి మండలంతో పాటు పరిసర మండలాల నుండి కూడా జమాత్ బాధ్యులు హాజరై శిక్షణ పొందారు.కార్యక్రమం ముగింపులో తమ గ్రామాల్లో నేర్చుకున్న విషయాలను అమలు చేస్తామని ప్రతినబూనారు.కొండూరు జమాత్ సభ్యులు అతిథులను ఘనంగా ఆహ్వానించారు.ప్రార్థన, విందుతో కార్యక్రమం ముగిసింది.
About the Author
