రైతు ఉత్పత్తిదారుల సంఘం అభ్యున్నతికి కృషి చేయాలి
- ప్రభుత్వ రాయితీలను సద్వినియోగం చేసుకోవాలి: వేంసూరు మండల వ్యవసాయాధికారి రామ్మోహన్
- నూతన అధ్యక్షురాలిగా బి.జీవ, ఉపాధ్యక్షురాలిగా కె.విజయలక్ష్మి ఎన్నిక
- రైతులు ప్రభుత్వం కల్పించే వివిధ రకాల రాయితీలను సద్వినియోగం చేసుకుని ఆర్థికంగా బలోపేతం కావాలని సత్తుపల్లి నియోజకవర్గ పరిధిలోని వేంసూరు మండల వ్యవసాయాధికారి (ఏఓ) రామ్మోహన్ పిలుపునిచ్చారు. మంగళవారం మండల పరిధిలో ‘గుబ్బల మంగమ్మ తల్లి మహిళా రైతు ఉత్పత్తిదారుల పరస్పర సహాయక సహకార సంఘం పరిధిలోని వేంసూరు, సత్తుపల్లి మండలాల రైతు సంఘాల సభ్యుల వార్షిక సర్వసభ్య సమావేశం ఘనంగా నిర్వహించారు. ఈ సమావేశానికి ముఖ్య అతిథిగా విచ్చేసిన వ్యవసాయాధికారి మాట్లాడుతూ.. మహిళా రైతులు తాము పండించిన పంట ఉత్పత్తులను దళారుల ప్రమేయం లేకుండా లాభసాటిగా విక్రయించుకోవడానికి ఈ ఉత్పత్తిదారుల సంఘం ఒక అద్భుతమైన వేదిక అని కొనియాడారు. ఆధునిక పద్ధతులలో మార్కెటింగ్ రంగంలో రాణించాలని ఆయన సూచించారు.
- నూతన కార్యవర్గం ఎన్నిక:
- ఈ మహాసభలో సంఘం నూతన కార్యవర్గాన్ని ఏకగ్రీవంగా ఎన్నుకున్నారు. సంఘం నూతన అధ్యక్షురాలి (చైర్మన్)గా సత్తుపల్లికి చెందిన బి.జీవ, ఉపాధ్యక్షురాలి (వైస్ చైర్మన్)గా కందుకూరుకు చెందిన కె.విజయలక్ష్మితో పాటు నూతన దర్శకులు (డైరెక్టర్లు) ఎన్నికయ్యారు. నూతన కార్యవర్గాన్ని సభ్యులు ఘనంగా సత్కరించారు.సమావేశంలో భాగంగా గత ఏడాది సాధించిన ప్రగతి, ప్రస్తుత సంవత్సరంలో చేపట్టబోయే నూతన వ్యాపార, ఆర్థిక ప్రణాళికలపై సభ్యులు సుదీర్ఘంగా చర్చించారు. సంఘానికి సంబంధించిన లాభనష్టాల నివేదికను చదివి వినిపించారు. రానున్న రోజుల్లో ఏర్పాటు చేయ తలపెట్టిన వ్యవసాయ ఉత్పత్తుల ప్రాసెసింగ్ కేంద్రాలు, గానుగ నూనె తయారీ, ప్రకృతి వ్యవసాయ విధానాలు, నూతన సాంకేతిక పరిజ్ఞానం, నాణ్యమైన విత్తనాలు, ఎరువుల లభ్యత తదితర అంశాలపై సభ్యులకు అవగాహన కల్పించారు.
- ఈ కార్యక్రమంలో: సత్తుపల్లి, వేంసూరు మండలాల ప్రాంతీయ సమన్వయ అధికారులు (ఏపీఎం) జ్యోతి ప్రసన్న, కె.వి.సుబ్బారావు, క్షేత్ర సహాయకులు (సీసీలు) ప్రసాదరావు, షబ్బీర్, భాస్కర్, కృష్ణ, ప్రసాద్, తులసి, విక్టర్ పాల్, రామారావు, నరేందర్, సంఘ ముఖ్య కార్యనిర్వహణాధికారి (సీఈఓ), గణకుడు (అకౌంటెంట్) పాల్గొన్నారు. వారితో పాటు మహిళా సమాఖ్య ప్రతినిధులు, సంఘం అధ్యక్షురాలు అనూష, కోశాధికారి జీనత్, రైతు ఉత్పత్తిదారుల సంఘాల మహిళా ప్రతినిధులు, సభ్యులు పెద్ద సంఖ్యలో పాల్గొన్నారు.
About the Author
Good coverage medam garu namasthe.