తెలంగాణ మీడియా అక్రెడిటేషన్ రూల్స్-2025’జారీ
రాష్ట్రంలోని జర్నలిస్టులకు జారీ చేసే మీడియా అక్రెడిటేషన్ కార్డుల విషయంలో తెలంగాణ ప్రభుత్వం కీలక నిర్ణయం తీసుకుంది.2016 నాటి పాత నిబంధనలను రద్దు చేస్తూ,‘తెలంగాణ మీడియా అక్రెడిటేషన్ రూల్స్-2025’ను అమల్లోకి తీసుకువస్తూ ప్రభుత్వం జీఓఎంఎస్ నెం.252ను విడుదల చేసింది.ఈ కొత్త నిబంధనలతో అక్రెడిటేషన్ ప్రక్రియ మరింత పారదర్శకంగా,క్రమబద్ధంగా ఉండేలా ప్రభుత్వం చర్యలు చేపట్టింది.కమిటీలకు రెండేళ్ల పదవీ కాలం రాష్ట్ర స్థాయి మీడియా అక్రెడిటేషన్ కమిటీ,జిల్లా స్థాయి మీడియా అక్రెడిటేషన్ కమిటీల పదవీ కాలాన్ని రెండేళ్లుగా నిర్ణయించారు.కొత్త కమిటీలు ఏర్పడే వరకు ప్రస్తుత కమిటీలే కొనసాగుతాయి.అక్రెడిటేషన్ కార్డు-మీడియా కార్డు వేర్వేరు
రిపోర్టర్లకు ప్రభుత్వ సమాచారాన్ని సేకరించేందుకు అక్రెడిటేషన్ కార్డు జారీ చేయనున్నారు.డెస్క్ జర్నలిస్టులకు ఇచ్చే మీడియా కార్డు మాత్రం ప్రభుత్వ సంక్షేమ పథకాల ప్రయోజనాల కోసం మాత్రమే ఉపయోగపడుతుంది.డిజిటల్ మీడియాకు తొలిసారి నిబంధనలు
డిజిటల్ న్యూస్ మీడియాకు తొలిసారిగా ప్రత్యేక నిబంధనలు తీసుకొచ్చారు.అక్రెడిటేషన్ పొందాలంటే సంబంధిత వెబ్సైట్కు గత ఆరు నెలల్లో నెలకు కనీసం 5 లక్షల యూనిక్ విజిటర్లు ఉండాలి.రాష్ట్రవ్యాప్తంగా డిజిటల్ మీడియా విభాగంలో గరిష్టంగా 10 అక్రెడిటేషన్ కార్డులు మాత్రమే జారీ చేస్తారు.ఎలిజిబిలిటీ క్రైటీరియా
న్యూస్ పేపర్లకు కనీసం 2 వేల ప్రతుల పంపిణీ ఉండాలి.పీఆర్జీఐ రిజిస్ట్రేషన్ తప్పనిసరి.ఎలక్ట్రానిక్ మీడియా ఛానళ్లు కనీసం 50 శాతం వార్తా కంటెంట్ ప్రసారం చేయాలి.లోకల్ కేబుల్ ఛానళ్లు రోజుకు కనీసం మూడు వార్తా బులెటిన్లు టెలికాస్ట్ చేయాలి.స్టేట్ లెవల్ అక్రెడిటేషన్కు డిగ్రీ లేదా ఐదేళ్ల అనుభవం అవసరం.నియోజకవర్గ,మండల స్థాయి రిపోర్టర్లకు ఇంటర్మీడియట్ విద్యార్హత తప్పనిసరి.ఫ్రీలాన్స్, వెటరన్ జర్నలిస్టులకు అవకాశం
15 ఏళ్ల అనుభవం ఉన్న ఫ్రీలాన్స్ జర్నలిస్టులు,30 ఏళ్ల అనుభవంతో పాటు 58 ఏళ్లు నిండిన వెటరన్ జర్నలిస్టులు కూడా అక్రెడిటేషన్ కార్డుల కోసం దరఖాస్తు చేసుకోవచ్చు.కమిటీల నిర్మాణం
రాష్ట్ర కమిటీలో మీడియా అకాడమీ చైర్మన్ చైర్మన్గా,సమాచార-ప్రజాసంబంధాల కమిషనర్ కో-చైర్మన్గా వ్యవహరిస్తారు.జిల్లా కమిటీలో జిల్లా కలెక్టర్ చైర్మన్గా,డీపీఆర్వో మెంబర్ కన్వీనర్గా ఉంటారు.నిబంధనల ఉల్లంఘనకు చర్యలు
అక్రెడిటేషన్ కార్డులను దుర్వినియోగం చేసినా,తప్పుడు సమాచారం ఇచ్చినా కార్డులను రద్దు చేసే అధికారం ప్రభుత్వానికి ఉంటుంది.పోగొట్టుకున్న కార్డు స్థానంలో డూప్లికేట్ కార్డు పొందేందుకు రూ.250 చెల్లించాలి.
About the Author
