మహిళలను ఆర్థికంగా బలోపేతం
మొగుళ్లపల్లి మండల కేంద్రంలోని అమ్మ గార్డెన్స్ లో నియోజకవర్గ పరిధిలోని వివిధ మండలాల స్వయం సహాయక సంఘాల మహిళలకు జిల్లా గ్రామీణభివృద్ధి శాఖ ఆధ్వర్యంలో నిర్వహించిన వడ్డీ లేని రుణాలు వడ్డీ రాయితీ కార్యక్రమంలో జిల్లా కలెక్టర్ రాహుల్ శర్మ తో కలిసి ముఖ్య అతిథిగా భూపాలపల్లి ఎమ్మెల్యే గండ్ర సత్యనారాయణ రావు పాల్గొన్నారు.ఈ కార్యక్రమంలో ఎమ్మెల్యే మాట్లాడుతూ… రాష్ట్ర ప్రభుత్వం కొలువుదీరిన నాటి నుంచి మహిళల ఆర్థికాభివృద్ధికి అనేక సంక్షేమ పథకాలు అమలు చేస్తున్నట్లు తెలిపారు. మహిళ క్యాంటీన్లు, సోలార్ విద్యుత్ కేంద్రాలు, పెట్రోల్ బంకులు, ఇందిరమ్మ ఇండ్లు వంటి అనేక కార్యక్ర మాలు చేపట్టినట్లు తెలిపారు. మండలంలో మూడున్నర ఎకరాల ప్రభుత్వ భూమిని వివో సంఘాలకు అప్పగిస్తే ఒక మెగావాట్ సామర్థ్యం కలిగిన సోలార్ విద్యుత్తు కేంద్రం ఏర్పాటు చేస్తామని దాని ద్వారా మహిళలకు ఆదాయం సమకూరు తుందని తెలిపారు. నేడు ఆడబిడ్డలకు రుణాలు ఇవ్వడానికి బ్యాంకర్లు ముందుకు వస్తున్నాయని అభి నందించారు. గ్రామీణ ప్రాంతాల్లో పెట్రోల్ బంకులు ఏర్పాటుకు చర్యలు తీసుకుంటు న్నట్లు తెలిపారు. మహిళలు ప్రభుత్వం అందిస్తున్న తోడ్పాటును ఆసరాగా చేసుకుని అభివృద్ధి సాధించాలని సూచించారు. రాష్ట్ర ప్రభుత్వం 58 వేల ప్రభుత్వ ఉద్యోగాలు, 4 లక్షల 70 వేల నూతన రేషన్ కార్డులు మంజూరు చేసినట్లు తెలిపారు. గణపురంలో 250 కోట్లతో మిర్చి నుండి నూనె తీసే పరిశ్రమ.. అలాగే, పారిశ్రామిక పార్క్ ను ఏర్పాటు చేస్తున్నట్లు తెలిపారు. దున్నుకునే రైతులకు భూమి హక్కులు కల్పించేందుకు భూ భారతి చట్టం తెచ్చినట్లు తెలిపారు. నియోజకవర్గంలో 3500 ఇందిరమ్మ ఇండ్లు మంజూరు చేశామని తెలిపారు. పేదల బడుగు బలహీన వర్గాల అభ్యున్నతికి నాడు శ్రీమతి ఇందిరాగాంధీ 20 సూత్రాలు పథకాన్ని అమలు చేశారని అలాంటి ఉక్కు మహిళ ఇందిరమ్మను స్పూర్తితో తీసుకొని రాష్ట్రంలో సంక్షేమ పథకాలు అందిస్తున్నా మని ఆయన తెలిపారు. ధనవంతులు తినే సన్న బియ్యం నేడు పేదోళ్లు తింటున్నారని, ఇందుకోసం ప్రభుత్వం ఏటా 4 వేల కోట్ల రూపాయలను ఖర్చు చేస్తున్నట్లు తెలిపారు.
అభివృద్ధి పనులకు శంకుస్థాపనలు చేసిన ఎమ్మెల్యే
మండలంలోని రంగాపురం గ్రామంలో పెరిక కమ్యూనిటీ భవనం మరియు రేణుకా ఎల్లమ్మ తల్లి ఆలయ నిర్మాణ పనులకు శంకుస్థాపన చేశారు. అనంతరం మొగుళ్ళపల్లి మండల కేంద్రంలో శ్రీ పోతులూరి వీరబ్రహ్మేంద్ర స్వామి ఆలయ నిర్మాణ పనులకు శంకుస్థాపన చేశారు
About the Author
