మానవత్వాన్ని చాటిన యువ నాయకులు
బాలుడిని క్షేమంగా అప్పగించి తల్లిదండ్రుల ప్రశంసలు అందుకున్న కాంగ్రెస్ శ్రేణులు
తెలుగు గళం ఏటూరునాగారం:
ములుగు జిల్లా ఏటూరునాగారం మండలం రామన్నగూడెం గ్రామానికి చెందిన ఓ బాలుడు తప్పిపోవడంతో కుటుంబ సభ్యులు తీవ్ర ఆందోళనకు గురయ్యారు. విషయం తెలుసుకున్న యూత్ కాంగ్రెస్ నాయకులు వెంటనే స్పందించి పలు ప్రాంతాల్లో గాలింపు చర్యలు చేపట్టారు. మండల యూత్ కాంగ్రెస్ అధ్యక్షులు గంట కృష్ణారెడ్డి ఆధ్వర్యంలో యువ నాయకులు సమన్వయంతో వెతికి బాలుడిని క్షేమంగా గుర్తించారు. అనంతరం బ్లాక్ కాంగ్రెస్ అధ్యక్షులు ఇర్సవడ్ల వెంకన్న సమక్షంలో బాలుడిని అతని తల్లిదండ్రులకు సురక్షితంగా అప్పగించారు. తమ కుమారుడిని క్షేమంగా వెతికి అప్పగించిన యూత్ కాంగ్రెస్ నాయకులకు బాలుడి తల్లిదండ్రులు హృదయపూర్వక కృతజ్ఞతలు తెలిపారు. ప్రజలకు అవసరమైన సమయంలో వెంటనే స్పందించి సేవాభావంతో పనిచేయడం తమ బాధ్యత అని కాంగ్రెస్ నాయకులు పేర్కొన్నారు. యూత్ కాంగ్రెస్ నాయకులు చూపిన మానవత్వం, సేవా దృక్పథాన్ని స్థానిక ప్రజలు అభినందిస్తూ, ఇలాంటి సేవా కార్యక్రమాలు సమాజానికి ఆదర్శంగా నిలుస్తాయని కొనియాడారు. ఈ కార్యక్రమంలో యూత్ కాంగ్రెస్ నాయకులు, కాంగ్రెస్ పార్టీ కార్యకర్తలు మరియు స్థానికులు పాల్గొన్నారు.
About The Author
