తెలుగు గళం న్యూస్ హైదరాబాద్: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను పురస్కరించుకుని హైదరాబాద్‌లోని డీడీ కాలనీ నారాయణ బ్రాంచ్‌లో బతుకమ్మ వేడుకలను ఘనంగా నిర్వహించారు. పూల పండుగైన బతుకమ్మ వేడుకలతో విద్యార్థులు, ఉపాధ్యాయులు సందడి చేశారు.ఈ సందర్భంగా రంగురంగుల పూలతో అందంగా బతుకమ్మలను పేర్చి పండుగ వాతావరణాన్ని సృష్టించారు. తెలంగాణ సంప్రదాయాన్ని ప్రతిబింబించే పాటలు, ఆటలతో వేడుకలు ఉత్సాహంగా సాగాయి. విద్యార్థులు సంప్రదాయ దుస్తులు ధరించి వేడుకల్లో పాల్గొని బతుకమ్మ విశిష్టతను చాటిచెప్పారు.బతుకమ్మ పండుగ తెలంగాణ ఆడపడుచుల ఆత్మీయతకు, ప్రకృతిపై ప్రేమకు, పూల వైవిధ్యానికి ప్రతీక అని ఈ సందర్భంగా వివరించారు. ఇలాంటి సాంస్కృతిక కార్యక్రమాల ద్వారా విద్యార్థులకు తెలంగాణ చరిత్ర, సంస్కృతి, సంప్రదాయాలపై అవగాహన పెరుగుతుందని పేర్కొన్నారు.వేడుకలతో నారాయణ బ్రాంచ్ ప్రాంగణం పండుగ శోభను సంతరించుకుంది. విద్యార్థులు, ఉపాధ్యాయులు ఉత్సాహంగా పాల్గొనడంతో కార్యక్రమం సందడిగా సాగింది.తెలంగాణ సంస్కృతి, సంప్రదాయాలను భావితరాలకు పరిచయం చేస్తూ బతుకమ్మ వేడుకలను ఘనంగా నిర్వహించడం పట్ల పలువురు హర్షం వ్యక్తం చేశారు.
About The Author
