ఎన్‌ఎస్ నాయక్ చారిటబుల్ ట్రస్ట్, శంకర కంటి ఆసుపత్రి ఆధ్వర్యంలో వైద్య శిబిరం
పరీక్షల అనంతరం 59 మందిని హైదరాబాద్‌కు తరలింపు–ఉచిత ఆపరేషన్లు,అద్దాల పంపిణీ
ములుగు జిల్లా మల్లంపల్లి గ్రామపంచాయతీలో ఎన్‌ఎస్ నాయక్ చారిటబుల్ ట్రస్ట్,శంకర కంటి ఆసుపత్రి సంయుక్త ఆధ్వర్యంలో ఉచిత కంటి వైద్య శిబిరం ఘనంగా నిర్వహించబడింది.ఈ శిబిరానికి జిల్లా వ్యాప్తంగా ప్రజలు పెద్ద సంఖ్యలో హాజరై వైద్య సేవలను పొందారు.ఈ సందర్భంగా నిపుణులైన వైద్యుల బృందం ప్రతి ఒక్కరికి సమగ్రంగా కంటి పరీక్షలు నిర్వహించారు.పరీక్షల అనంతరం కంటి శస్త్రచికిత్స అవసరమున్న 59 మందిని గుర్తించారు. వారిని ఉచితంగా శస్త్రచికిత్సలు చేయించేందుకు హైదరాబాద్‌లోని శంకర కంటి ఆసుపత్రికి తరలించారు.ఈ ఆపరేషన్లు పూర్తిగా ఉచితంగా నిర్వహించబడతాయని,శస్త్రచికిత్స అనంతరం అవసరమైన అద్దాలను కూడా ఉచితంగా అందజేసి తిరిగి వారి స్వగ్రామాలకు పంపించేలా ఏర్పాట్లు చేసినట్లు నిర్వాహకులు తెలిపారు.గ్రామీణ ప్రాంతాల్లో నివసించే పేద ప్రజలకు నాణ్యమైన వైద్య సేవలు అందించడమే లక్ష్యంగా ఈ శిబిరాన్ని నిర్వహించినట్లు ట్రస్ట్ ప్రతినిధులు పేర్కొన్నారు.ఈ కార్యక్రమం ద్వారా ఎంతోమంది ప్రజలు ప్రయోజనం పొందినట్లు తెలిపారు.మొత్తం మీద మల్లంపల్లిలో నిర్వహించిన ఈ ఉచిత కంటి వైద్య శిబిరం ప్రజలకు ఆరోగ్య సేవలను చేరువ చేస్తూ,సేవా కార్యక్రమాలకు మంచి ఉదాహరణగా నిలిచింది.
About The Author
