జయశంకర్ భూపాలపల్లి జిల్లా రేగొండ పోలీస్ స్టేషన్ పరిధిలో అక్రమంగా ఇసుక రవాణా చేస్తున్న ఘటనను పోలీసులు గుర్తించి ట్రాక్టర్‌ను స్వాధీనం చేసుకుని,సంబంధిత వ్యక్తిపై కేసు నమోదు చేశారు.ఈ విషయాన్ని రేగొండ ఎస్సై డి. సుధాకర్ తెలిపారు.వివరాల ప్రకారం,టేకుమట్ల మండలానికి చెందిన కొండ్రా రమేష్ తన ట్రాక్టర్ ద్వారా ఎలాంటి చెల్లుబాటు అయ్యే అనుమతి పత్రాలు లేకుండా ఇసుకను అక్రమంగా తరలిస్తున్నట్లు పోలీసులకు సమాచారం అందింది.దీంతో అప్రమత్తమైన పోలీసులు ప్రత్యేకంగా తనిఖీలు నిర్వహించారు.ఈ తనిఖీల సమయంలో అనుమానాస్పదంగా ఇసుక తరలిస్తున్న ట్రాక్టర్‌ను ఆపి పరిశీలించగా,అవసరమైన అనుమతి పత్రాలు లేకపోవడం వెలుగులోకి వచ్చింది.దీంతో వెంటనే ట్రాక్టర్‌ను స్వాధీనం చేసుకుని,యజమాని కొండ్రా రమేష్‌పై చట్టపరమైన చర్యలు తీసుకుని కేసు నమోదు చేసినట్లు ఎస్సై తెలిపారు.ఈ చర్యలు అక్రమ ఇసుక రవాణాపై కట్టడి చేయడానికి భాగమని ఆయన పేర్కొన్నారు.ఈ సందర్భంగా ఎస్సై డి.సుధాకర్ మాట్లాడుతూ,అక్రమ ఇసుక రవాణా పర్యావరణానికి,ప్రభుత్వ ఆదాయానికి తీవ్ర నష్టం కలిగిస్తుందని తెలిపారు.ఇలాంటి చట్ట విరుద్ధ చర్యలను ఎట్టి పరిస్థితుల్లోనూ సహించబోమని స్పష్టం చేశారు.రేగొండ పరిధిలో ఇసుక రవాణాపై ప్రత్యేక నిఘా ఏర్పాటు చేసి,తరచూ తనిఖీలు కొనసాగిస్తున్నామని చెప్పారు.అనుమతి పత్రాలు లేకుండా ఇసుక తరలించే వారిపై కఠిన చర్యలు తప్పవని హెచ్చరిస్తూ,ప్రజలు ప్రభుత్వ నిబంధనలు పాటిస్తూ చట్టబద్ధంగా మాత్రమే ఇసుక రవాణా చేయాలని సూచించారు.అదేవిధంగా అక్రమ కార్యకలాపాలపై సమాచారం అందించిన వారికి గోప్యత కల్పిస్తామని కూడా తెలిపారు.
About The Author
