వావిలాల గ్రామంలో కాంగ్రెస్‌కు చెందిన 30 మంది నాయకులు, యువకులు బీఆర్‌ఎస్‌లో చేరిక
జనగామ జిల్లా, పాలకుర్తి: పాలకుర్తి మండలం వావిలాల గ్రామానికి చెందిన కాంగ్రెస్ పార్టీ నాయకులు, యువకులు సుమారు 30 మంది బీఆర్‌ఎస్‌ (భారత రాష్ట్ర సమితి) పార్టీలో చేరారు. రాష్ట్ర మాజీ మంత్రి ఎర్రబెల్లి దయాకర్‌రావు వారికి గులాబీ కండువాలు కప్పి పార్టీలోకి ఆహ్వానించారు.
వావిలాల గ్రామానికి చెందిన కాంగ్రెస్ నాయకులు అనపర్తి యాదగిరి, సూడిద రాజు, సూడిద ప్రదీప్, సంతోష్, సందీప్, అనపర్తి ప్రశాంత్‌తో పాటు పలువురు బీఆర్‌ఎస్‌ పార్టీలో చేరిన వారిలో ఉన్నారు. ఈ సందర్భంగా మాజీ మంత్రి ఎర్రబెల్లి దయాకర్‌రావు వారికి పార్టీ కండువాలు కప్పి సాదరంగా ఆహ్వానించారు.
ఈ కార్యక్రమంలో పాలకుర్తి మండల బీఆర్‌ఎస్‌ నాయకులు, వావిలాల గ్రామానికి చెందిన పార్టీ నాయకులు, కార్యకర్తలు తదితరులు పాల్గొన్నారు.
About The Author
