ఖమ్మంజిల్లా సత్తుపల్లి నియోజకవర్గ పరిధిలోని వేంసూరు మండల కేంద్రంలో గల బిపిసి పెట్రోల్ బంక్ వద్ద,మండల పరిధిలోని మర్లపాడు గ్రామంలో గల ఐఓసి బంక్ వద్ద మంగళవారం వాహనదారులకు పోలీస్ శాఖ ఆధ్వర్యంలో అవగాహన సదస్సు నిర్వహించారు. ఈ సదస్సులలో పాల్గొన్న ఎస్ఐ కవిత మాట్లాడుతూ హెల్మెట్ ధరించడం వల్ల ప్రమాదాలను నుండి ప్రాణాలను కాపాడుకోవడానికి ఉపయోగమని తెలిపారు. ఈ నెలంతా ప్రభుత్వం స్పెషల్ డ్రైవ్ నిర్వహిస్తుందని హెల్మెట్లు ధరించకుండా ద్విచక్ర వాహనాలు నడిపితే ఉపేక్షించేది లేదని కేసులు నమోదు చేస్తామని హెచ్చరించారు.ఎటువంటి సాకులు చెప్పినా,పైరవీలు చేసినా కేసులు అవుతాయని తెలిపారు.ఈ సదస్సులలో: ఏ.ఎస్ఐ లు జయరాజు,నాగేశ్వరరావు,బ్లూ కోట్ కానిస్టేబుల్ శ్రీనివాసరావు,కానిస్టేబుల్ సురేష్ తదితరులు పాల్గొన్నారు
About The Author
