జయశంకర్ భూపాలపల్లి జిల్లా కేంద్రంలోని భూపాలపల్లి మున్సిపాలిటీకి కొత్త చైర్మన్గా కాంగ్రెస్ పార్టీకి చెందిన రెండో వార్డు కౌన్సిలర్ బుర్ర కొమురయ్య గౌడ్ ఎన్నికయ్యారు.అదే విధంగా వైస్ చైర్మన్గా అంబాల శ్రీనివాస్ ఎన్నికయ్యారు.మున్సిపల్ కార్యాలయంలో నిర్వహించిన ఎన్నికల ప్రక్రియలో సభ్యుల మద్దతుతో బుర్ర కొమురయ్య గౌడ్ చైర్మన్ పదవిని దక్కించుకున్నారు.అనంతరం అధికారిక ప్రకటన వెలువడగా,నూతన చైర్మన్ మరియు వైస్ చైర్మన్లకు సభ్యులు, పార్టీ నాయకులు, మద్దతుదారులు అభినందనలు తెలిపారు.కార్యాలయ ప్రాంగణంలో శుభాకాంక్షల వెల్లువ నెలకొంది.ఈ సందర్భంగా నూతన చైర్మన్ బుర్ర కొమురయ్య గౌడ్ మాట్లాడుతూ పట్టణ అభివృద్ధి, పారిశుద్ధ్యం, త్రాగునీరు, మౌలిక వసతుల మెరుగుదలపై ప్రాధాన్యతతో పనిచేస్తానని తెలిపారు. ప్రజలకు పారదర్శక పరిపాలన అందిస్తూ మున్సిపాలిటీ సమగ్ర అభివృద్ధికి కృషి చేస్తానని హామీ ఇచ్చారు.వైస్ చైర్మన్ అంబాల శ్రీనివాస్ మాట్లాడుతూ చైర్మన్తో సమన్వయంగా పనిచేసి పట్టణ సమస్యల పరిష్కారానికి కట్టుబడి ఉంటానని పేర్కొన్నారు.కాంగ్రెస్ పార్టీ స్థానిక నాయకులు మాట్లాడుతూ పార్టీపై ప్రజలు ఉంచిన విశ్వాసాన్ని నిలబెట్టేలా ప్రజాహిత కార్యక్రమాలు చేపట్టాలని ఆకాంక్షించారు.పట్టణ ప్రజల సహకారంతో అభివృద్ధి కార్యక్రమాలు వేగవంతం అవుతాయని అభిప్రాయపడ్డారు.ఈ కార్యక్రమంలో మున్సిపల్ కౌన్సిలర్లు, అధికారులు, పార్టీ నాయకులు, మద్దతుదారులు పెద్ద సంఖ్యలో పాల్గొన్నారు.కొత్త నాయకత్వంలో మున్సిపాలిటీ అభివృద్ధి మరింత వేగం పుంజుకుంటుందనే ఆశాభావం వ్యక్తమైంది.
About The Author
